مش هى دى مصر
صوتى اندبح
نفس الكلام
نفس الوجوة
نفس السحن
وبكادر ثابت للغباء
وطن امتهن
والكل يحلف بصوت مليان وهن
مش هى دى مصر
ولاهما دول ناسها
ولا هى دى ارضها
ولا هو د ة كاسها
مصر اللى كانت سلمت الشهيد تاجها
وقالت لعز الحديد حتلين فى مداسها
بقت تحاصر ضيها لصهيون
وتبيع شرفها لاحط انجاسها
كبرت تجاعيد الولاد بالشيب
من ضرب حراسها
والقبر فيها تمنة غلى
لما الخسيس حطت ايدة ولمسها
وعتالين النهب بالجوع
تهد فى اساسها
والكل يصرخ يقول
معقولة هى دى مصر
وهما دول ناسها
0 comments:
Post a Comment